ఆంధ్రప్రదేశ్ లో ఉపాధి హామీ పథకానికి సంబంధించి ముఖ్యమైన అప్డేట్ వెలువడింది.
ఏపీలో ఉపాధి హామీ పని దినాల పెంపు
ఆంధ్రప్రదేశ్ రాష్ట్ర ప్రభుత్వ వినతి మేరకు కేంద్ర ప్రభుత్వం ఆంధ్ర ప్రదేశ్ లో ఉపాధి హామీ పథకం కింద ఈ ఏడాది పని దినాలను పెంచేందుకు అంగీకారం తెలిపింది.
గతంలో కేంద్ర ప్రభుత్వం ఈ ఏడాది కేటాయించిన 15 కోట్ల పని దినాలు జూలైకి ముగుస్తున్న నేపథ్యంలో పని దినాలను మరింత పెంచాలని రాష్ట్ర ప్రభుత్వం కేంద్ర ప్రభుత్వానికి మనవి చేయడం జరిగింది.
ఈ నేపథ్యంలో ఏపీలో ఉపాధి హామీ పథకం కింద పని దినాలను 21.5 0 కోట్ల పని దినాలకు పెంచుతూ కేంద్ర ప్రభుత్వం నిర్ణయం తీసుకుంది.
ఈ మేరకు రాష్ట్ర ఉప ముఖ్యమంత్రి పంచాయతీరాజ్ గ్రామీణాభివృద్ధి మంత్రి కొణిదెల పవన్ కళ్యాణ్ వెల్లడించారు.
అదేవిధంగా రాష్ట్రంలో ఉపాధి హామీ కూలీలకు చెల్లించాల్సిన బకాయిలు కూడా విడుదల చేసేందుకు కేంద్ర ప్రభుత్వం అంగీకరించిందని ఆయన పేర్కొన్నారు.
ఉపాధి హామీ పథకానికి సంబంధించినటువంటి పేమెంట్ స్టేటస్ వివరాలు మీరు ఇక్కడ క్లిక్ చేసి తెలుసుకోవచ్చు.
