రోజంతా రేషన్ సరఫరా –  మినీమాల్స్ గా చౌకధర దుకాణాలు

మన రాష్ట్రంలో పౌరసరఫరాల వ్యవస్థలో పెద్ద మార్పులు రాబోతున్నాయి! ఇప్పటివరకు ప్రతి నెలా 1 నుంచి 15 వరకు ఉదయం, సాయంత్రం కొన్ని గంటలపాటు మాత్రమే తెరుచుకునే రేషన్ దుకాణాలు ఇకపై రోజంతా తెరిచి ఉంచబోతున్నాయి.

మినీమాల్స్ కాన్సెప్ట్

కూటమి ప్రభుత్వం రేషన్ షాప్‌లను మినీమాల్స్గా మార్చే ప్రణాళికను సిద్ధం చేసింది. మొదటిగా పైలట్ ప్రాజెక్ట్ కింద 5 ప్రధాన నగరాలను ఎంపిక చేశారు:

• రాజమహేంద్రవరం
• విశాఖపట్నం
• తిరుపతి
• గుంటూరు
• విజయవాడ

ప్రతి నగరంలో 15 చొప్పున మొత్తం 75 దుకాణాలను ఎంపిక చేసి ఈ ప్రయోగాన్ని ప్రారంభించనున్నారు.

AP Ration Card Correction 2025 – All Changes in One Place

కొత్త విధానంలో ఏముంటుంది?

• దుకాణాలు రోజుకు సుమారు 12 గంటలు తెరిచి ఉంటాయి
• రేషన్ బియ్యం మాత్రమే కాకుండా అన్ని నిత్యావసరాలు దొరకేలా ఏర్పాటు
• సరఫరా కోసం జాతీయ వ్యవసాయ కో-ఆపరేటివ్ సొసైటీ, గిరిజన కార్పొరేషన్‌లతో భాగస్వామ్యం
• డీలర్లు పూర్తిస్థాయిలో దుకాణాల్లో ఉండాలి – ఇది వారికి స్థిర ఉపాధి అందించేలా ఉంటుంది

లాభాలు – సవాళ్లు

లబ్ధిదారులకు సౌకర్యం – ఎప్పుడైనా వెళ్లి సరుకులు తీసుకురాగలరు
సమయపాలన సమస్యలు తీరుతాయి – డీలర్లు తప్పనిసరిగా దుకాణంలో ఉండాలి
ధరలపై స్పష్టత కావాలి – నిత్యావసరాలపై రాయితీలు ఉంటాయా? లేక మార్కెట్ ధరలకే అందిస్తారా?
డీలర్లకు ఆర్థిక రక్షణ – పూర్తి సమయం దుకాణంలో ఉంటే వారికి సరైన వేతనం ఇవ్వాలనే చర్చ జరుగుతోంది

ఈ మినీమాల్స్ మోడల్ అమలు అయితే రేషన్ దుకాణాల రూపురేఖలు పూర్తిగా మారిపోతాయి. రోజంతా రేషన్, అన్ని నిత్యావసరాలు ఒకేచోట దొరికే విధంగా ఉండటం పౌరులకు పెద్ద ఉపశమనం అవుతుంది. పైలట్ ప్రాజెక్ట్ విజయవంతమైతే రాష్ట్రవ్యాప్తంగా ఈ విధానాన్ని అమలు చేసే అవకాశం ఉంది.