ఆంధ్రప్రదేశ్‌లో 25 నుంచి కొత్త రేషన్ కార్డుల పంపిణీ ప్రారంభం – పూర్తి వివరాలు

ఆంధ్రప్రదేశ్ ప్రభుత్వం రేషన్ కార్డుదారులకు కొత్త స్మార్ట్ రేషన్ కార్డుల పంపిణీ ప్రారంభించింది. ఈ నెల 25 ఆగస్టు నుంచి రాష్ట్రవ్యాప్తంగా క్యూఆర్ కోడ్ తో ఉండే కొత్త స్మార్ట్ రేషన్ కార్డుల పంపిణీ కార్యక్రమం కొనసాగుతుంది. ప్రస్తుతం ఉన్న రేషన్ కార్డు లబ్ధిదారులు అందరికీ కొత్తగా QR కోడ్ ఉన్న స్మార్ట్ రేషన్ కార్డులను (smart ration cards andhra pradesh) పంపిణీ చేస్తున్నారు. గ్రామ వార్డు సచివాలయ సిబ్బంది ద్వారా ఇంటింటికి వెళ్లి మొత్తం నాలుగు దశల్లో ఈ పంపిణీ చేపట్టడం జరుగుతుంది. సెప్టెంబర్ 15 నాటికి నాలుగు దశల్లో ఈ ప్రక్రియ చేపట్టనున్నట్లు  ప్రభుత్వం వెల్లడించింది.

ఆగస్ట్ 25 నుంచి ఏపీలో ఇంటింటికీ ఉచితంగా స్మార్ట్ రేషన్ కార్డుల పంపిణీ.

– నాలుగు విడతల్లో స్మార్ట్ కార్డుల పంపిణీ.
– ఇంటింటికి వెళ్లి కార్డుల అందజేత. సెప్టెంబర్ 15 నాటికి నాలుగు దశల్లో సర్వే
– మొదటి విడతలో రేపటి నుంచి 9 జిల్లాల్లో కార్డుల పంపిణీ. జిల్లాల వారీగా షెడ్యూల్ కింద ఇవ్వబడింది.

Click here for FPS Wise staff mapping dashboard

కొత్తగా జారీ చేయబోయే రేషన్ కార్డుల్లో ఆధునిక QR కోడ్ సౌకర్యం కల్పించడం ద్వారా పారదర్శకత పెరగనుంది. అలాగే నకిలీ కార్డుల వినియోగాన్ని పూర్తిగా అరికట్టడమే కాకుండా, అర్హులైన ప్రతి కుటుంబానికి సమయానికి కార్డులు అందేలా ప్రత్యేక చర్యలు తీసుకుంటున్నామని ప్రభుత్వం స్పష్టం చేసింది.

---

జిల్లా వారీగా రేషన్ కార్డుల పంపిణీ షెడ్యూల్ [Smart Ration Card Distribution in AP – Phase Wise details]

మొత్తం నాలుగు దశల్లో ఈ పంపిణీ ఉండనుంది. గ్రామ వార్డు సచివాలయ సిబ్బంది ద్వారా ఈ కార్యక్రమం చేపడతారు.

మొదటి దశ

ఆగస్టు 25 నుంచి ఈ జిల్లాల్లో రేషన్ కార్డులు అందజేయబడతాయి:

• విశాఖపట్నం
• విజయనగరం
• నెల్లూరు
• ఎన్టీఆర్
• తిరుపతి
• కృష్ణా
• శ్రీకాకుళం
• తూర్పుగోదావరి
• పశ్చిమగోదావరి

రెండవ దశ

ఆగస్టు 30 నుంచి ప్రారంభం అయ్యే రెండవ దశలో ఈ జిల్లాల్లో కార్డుల పంపిణీ జరగనుంది:

• గుంటూరు
• ఏలూరు
• కాకినాడ
• చిత్తూరు

మూడవ దశ

సెప్టెంబరు 6 నుంచి ప్రారంభం అయ్యే మూడవ దశలో ఈ జిల్లాల్లో కార్డుల పంపిణీ జరగనుంది:

• పార్వతీపురం మన్యం,
• అల్లూరి సీతారామరాజు జిల్లా,
• అనంతపురం,
• అంబేద్కర్ కోనసీమ జిల్లా,
• అనకాపల్లి

నాల్గవ దశ

  సెప్టెంబరు 15 నుంచి అయ్యే నాల్గవ దశలో ఈ జిల్లాల్లో కార్డుల పంపిణీ జరగనుంది:

• పల్నాడు,
• బాపట్ల,
• వైఎస్సార్‌ కడప,
• అన్నమయ్య జిల్లా,
• శ్రీసత్యసాయి,
• నంద్యాల,
• కర్నూలు,
• ప్రకాశం

QR కోడ్‌తో కూడిన కొత్త రేషన్ కార్డులను అందజేయనున్నారు.

---

కొత్త రేషన్ కార్డుల ప్రత్యేకతలు

• QR కోడ్ సౌకర్యం – కార్డుదారుల వివరాలను సులభంగా ధృవీకరించుకోవడానికి.
• భద్రతా ప్రమాణాల పెంపు – దుర్వినియోగం, నకిలీ కార్డులను అరికట్టడానికి.
• పారదర్శకత – ప్రతి అర్హుడికి సమయానికి కార్డు చేరేలా చర్యలు.
• డిజిటల్ ధృవీకరణ – ఆధునిక సాంకేతికతతో రేషన్ వ్యవస్థ మరింత విశ్వసనీయంగా మారుతుంది.

---

ప్రభుత్వం స్పష్టత

మంత్రి నాదెండ్ల మనోహర్ ప్రకారం:

• రాష్ట్రంలో అర్హులైన ప్రతి కుటుంబానికి రేషన్ కార్డులు సమయానికి అందేలా ప్రత్యేక జిల్లా వారీ షెడ్యూల్ సిద్ధం చేశారు.
• కొత్త రేషన్ కార్డుల ద్వారా నకిలీ కార్డులు పూర్తిగా నిర్మూలించబడతాయి.
• సాంకేతిక ఆధారిత పద్ధతులు రేషన్ వ్యవస్థను మరింత సమర్థవంతంగా చేస్తాయి.

---

ముగింపు

ఆంధ్రప్రదేశ్ ప్రభుత్వం తీసుకున్న ఈ కీలక నిర్ణయం వల్ల రాష్ట్రంలో రేషన్ కార్డుల పంపిణీ మరింత పారదర్శకంగా, సమర్థవంతంగా మారనుంది. ఆధునిక QR కోడ్‌తో కూడిన ఈ కార్డులు రాబోయే రోజుల్లో ప్రతి అర్హ కుటుంబానికి అందించబడతాయి.