ఆంధ్రప్రదేశ్ రాష్ట్ర ముఖ్యమంత్రి జగన్మోహన్ రెడ్డి అధ్యక్షతన బుధవారం క్యాబినెట్ సమావేశం జరిగింది. మూడున్నర గంటల పాటు జరిగిన క్యాబినెట్ సమావేశంలో పలు నిర్ణయాలకు క్యాబినెట్ ఆమోదం తెలిపింది. మొత్తం 55 అంశాలపై చర్చించినట్లు సమాచారం.
- అనైన్డ్ ల్యాండ్ కలిగిన రైతులకు భూమి పొందిన 20 ఏళ్ల తర్వాత పూర్తి హక్కులు అనుభవించేలా క్యాబినెట్ ఆమోదం తెలిపింది. ఈ ఆమోదంతో క్రయ విక్రయాలపై పూర్తి హక్కులు రైతులకు అందనున్నాయి.
- మొత్తం 63,191,84 ఎకరాల అసైన్మెంట్ ల్యాండ్స్ మరియు లంక భూములు కలిపి మొత్తం 66,111 మందికి పూర్తి హక్కులు కేటాయిస్తూ క్యాబినెట్ నిర్ణయం. ఒరిజినల్ అసైన్డ్ రైతులకు మాత్రమే ఇది వర్తించనుంది. ఒకవేళ వారు మరణిస్తే వారి వారసులకు వర్తిస్తుంది
- 1966 గ్రామాల్లో ఎస్సీలకు స్మశాన వాటికల నిర్మాణాల ఏర్పాటుకు క్యాబినెట్ ఆమోదం తెలిపింది.
- రాష్ట్ర విభజనకు ముందు ల్యాండ్ పర్చేస్ స్కీం కింద దళితులకు ఇచ్చిన 16,213 ఎకరాలకు కట్టాల్సిన రుణాలు మాఫీకి ఆమోదం. ఈ నిర్ణయంతో పూర్తి హక్కులు పొందనున్న లబ్ధిదారులు.
- వైయస్సార్ సున్నా వడ్డీ అమలుకు క్యాబినెట్ ఆమోదం తెలిపింది.
- కేంద్రం ఇదివరకే ఆమోదం తెలపడంతో అమరావతి పరిధిలోని 47 వేల సీఆర్డీఏ ఇళ్ల నిర్మాణానికి గ్రీన్ సిగ్నల్ ఇచ్చిన క్యాబినెట్.
- విశ్వవిద్యాలయాల్లో పనిచేసే శాశ్వత అధ్యాపకుల పదవీ విరమణ వయస్సు 65 ఏళ్లకు పెంచుతూ నిర్ణయం.
- ఎస్ ఐ పీ బీ సమా ఆమోదం తెలిపిన ప్రాజెక్టులకు క్యాబినెట్ ఆమోదముద్ర వేసింది.
- అర్చకులకు రిటైర్మెంట్ లేకుండా చట్ట సవరణకు క్యాబినెట్ ఆమోదం తెలిపింది.
- దేవాదాయ శాఖ ఉద్యోగుల రిటైర్మెంట్ వయసును 60 ఏళ్ల నుంచి 62 ఏళ్లకు పెంచుతూ క్యాబినెట్ నిర్ణయం.
- జూలై నెలలో చేపట్టబోయే జగనన్న తోడు, జగనన్న విదేశీ విద్యా దీవెన , నేతన్న నేస్తం, వైయస్సార్ సున్నా వడ్డీ పథకాలకు ఆమోదం తెలిపింది.
