మరోసారి వాయిదా పడిన వసతి దీవెన.. ఇంకెప్పుడు అమౌంట్ వేస్తారంటే

జగనన్న వసతి దీవెన పథకం సంబంధించి వాయిదాల పర్వం కొనసాగుతోంది. గత ఏడాది డిసెంబర్ లో విడుదల కావాల్సి ఉన్న వసతి దీవెన రెండో విడత అమౌంట్ తొలుత ఫిబ్రవరి, తర్వాత మార్చ్ కి వాయిదా పడింది.

మార్చ్ 31 న అమౌంట్ విడుదల చేయనున్నట్లు ప్రకటించినా తిరిగి ఏప్రిల్ కి వాయిదా వేయడం జరిగింది. అయితే ఏప్రిల్ లో ఏ తేదీన విడుదల చేస్తారు అనేది ఇంకా ప్రకటించలేదు. అయితే చాలా వరకు ఏప్రిల్ మొదటి లేదా రెండో వారంలో విడుదల అయ్యే అవకాశం ఉంది.

ప్రభుత్వం ఇటీవల విడుదల చేసిన 2023-24 సంక్షేమ క్యాలెండర్ లో కూడా ఏప్రిల్ అని ఉంది. వాస్తవానికి ఈ అమౌంట్ 2022-23 విద్యా సంవత్సరానికి సంబంధించినది. అదే విద్యా సంవత్సరం లో ప్రతి ఏటా ప్రభుత్వం అమౌంట్ ను జమ చేయాల్సి ఉన్నా, పలు అనివార్య కారణాల వలన వాయిదాలు వేస్తూ వస్తుంది.

ఇప్పటికే విద్యార్థులు ఎంతగానో ఈ వసతి అమౌంట్ కోసం వేచి చూస్తున్న విషయం తెలిసిందే. మరో వైపు విద్యా దీవెన మూడో క్వార్టర్ అమౌంట్ కూడా పలు వాయిదాల అనంతరం మార్చ్19 న విడుదల చేసిన విషయం తెలిసిందే. ఇక విద్యా దీవెన 4 వ క్వార్టర్ అమౌంట్ కూడా రిలీజ్ చేయాల్సి ఉంది.

జగనన్న వసతి దీవెన పథకం సంబంధించి ఎప్పటికప్పుడు లేటెస్ట్ అప్డేట్స్ కోసం మన studybizz వెబ్సైట్ ను రెగ్యులర్ గా ఫాలో అవ్వగలరు.