March 2025 Month Pension Guidelines -మార్చి నెల పింఛన్ల పంపిణీపై విధివిధానాలు జారీ

ఎన్టీఆర్ భరోసా పెన్షన్ పథకం : మార్చి నెల పింఛన్లు పంపిణీకి సంబంధించి ప్రభుత్వం కీలక ఆదేశాలు జారీ చేసింది. పింఛన్లు పంపిణీ చేసే అధికారులు 300 మీటర్ల కంటే ఎక్కువ దూరంలో పింఛను పంపిణీ చేయదలచిన కారణాలను మొబైల్ అప్లికేషన్లో నమోదు చేసి పింఛను పంపిణీని చేయవలెను. రాష్ట్రవ్యాప్తంగా ఒక్కో సచివాలయ ఉద్యోగి కనీసం 50 మందికి పంపిణీ చేస్తారని ప్రభుత్వం ఆదేశాలు జారీ చేసిన విషయం తెలిసిందే. పింఛన్లు పంపిణీ బాధ్యతలను గ్రామ/వార్డు సచివాలయాల ఉద్యోగులకు అప్పగించారు.

మార్చి నెల పెన్షన్ పంపిణి సూచనలు

ఎన్టీఆర్ భరోసా పింఛను పథకాన్ని ప్రభుత్వం ప్రచార విధానంలోకి చేర్చింది. పింఛన్లపంపిణీలో నాణ్యతను మరియు పింఛనుదారుల యొక్క సంతృప్తి స్థాయినిమెరుగుపరచడానికి పింఛను పంపిణీ మొబైల్ అప్లికేషన్లో ఈ క్రింది మార్పులు చేయబడ్డాయి

• పింఛను పంపిణీ మొబైల్ అప్లికేషన్లో ఆడియో సందేశం (20 సెకన్లు) చిత్తూరు మరియు కర్నూల్ జిల్లా లో ప్రవేశపెట్టడం జరిగినది. పింఛను పంపిణీ చేస్తున్నప్పుడు, పింఛనుపంపిణీ చేసే అధికారులు వృద్ధ పింఛనుదారులకు నమస్కారాలు తెలియజేయాలి. పింఛనుదారుల సంతృప్తి స్థాయిని మెరుగుపరచడానికి, పంపిణీ ప్రక్రియలో పింఛనుదారుల కోసం ఆడియో సందేశం వినిపించవలెను.
• పింఛనుదారుల ఇంటి వద్దకే పింఛన్ల పంపిణీ: పింఛనుదారుల ఇంటి దగ్గర నుంచి 300మీటర్ల కంటే ఎక్కువ దూరంలో పింఛను పంపిణీ జరిగినప్పుడు పింఛనుదారుల ఇంటినుండి పంపిణీ చేయు ప్రదేశం మద్య దూరం మొబైల్ అప్లికేషన్లో చూపించడును.
• పింఛన్లు పంపిణీ చేసే అధికారులు 300 మీటర్ల కంటే ఎక్కువ దూరంలో పింఛను పంపిణీ చేయదలచిన కారణాలను మొబైల్ అప్లికేషన్లో నమోదు చేసి పింఛను పంపిణీని చేయవలెను.
• పెన్షనర్ ఇంటి నుండి 300 మీటర్లు దాటి పెన్షన్ పంపిణీ చేస్తున్నట్టయితే కింది కారణాలలో ఏదోకటి సెలెక్ట్ చేసుకోవాలి
  • Hospitalized
  • At Old age Home
  • Transferred from other secretariat
  • Disabled Student at School/College
  • Pensioner Came to Secretariat Location
  • Due to signal problem at pensioner’s house
  • At NREGS Worksite
  • Pensioner residing at relative’s house
• పింఛనుదారుల సౌలభ్యం కొరకు పింఛను పంపిణీ ఉదయం 6.00 గంటలకు బదులుగా ఉదయం 7.00 గంటలకు ప్రారంభించవలెను.
• పింఛను పంపిణీ చేసే ఆధికారులు, పై సూచనలను పాటించి పింఛనుదారులకు అత్యంత సంతృప్తికరంగా పింఛన్ల పంపిణీ చేయాలని ఆదేశించడమైనది.
• మొదటి రోజే 99% పంపిణీ పూర్తి కావాలి. సాంకేతిక సమస్యలు తలెత్తితే రెండో రోజు పంపిణీ చేయాల్సి ఉంటుంది. పంపిణీ సమయము పొడిగింపు ఇవ్వబడదు.
• మొదటి రెండు రోజుల పెన్షన్ పంపిణీపై అన్ని గ్రామాల్లో ప్రెస్ & సోషల్ మీడియా, బీట్ ఆఫ్ టామ్ టామ్, బహిరంగ ప్రదేశాల్లోఆడియో రికార్డింగ్ ప్లే చేయడం మరియు వాట్సాప్ ద్వారా విస్తృత ప్రచారం చేయాలి. ఈ సమాచారం ప్రతిపింఛనుదారునికి చేరాలి.
• 2వ తేదీన చెల్లింపు పూర్తయిన తర్వాత, చెల్లించని మొత్తాన్నిరెండు రోజుల్లోపు SERPకి తిరిగి చెల్లించాలి.
• చెల్లించని పింఛన్లన్నింటికీ చెల్లించని కారణాలు సంక్షేమసహాయకులు 5వ తేదీన లేదా అంతకు ముందు ఆన్లైన్ నందు తప్పనిసరిగా పొందుపరచాలి.
  

పెన్షన్ వివరాలు

S.No	Category	Pension Amount (Rs.)
1	వృద్ధాప్య పెన్షన్	4000
2	వితంతువు	4000
3	చేనేత కార్మికులు	4000
4	కళ్లు గీత కార్మికులు	4000
5	మత్స్యకారులు	4000
6	ఒంటరి మహిళలు	4000
7	సాంప్రదాయ చెప్పులు కుట్టేవారు	4000
8	ట్రాన్స్ జెండర్	4000
9	ART(PLHIV)	4000
10	డప్పు కళాకారులు	4000
11	కళాకారులకు పింఛన్లు	4000
12	వికలాంగులు	6000
13	బహుళ వైకల్యం కుష్టు వ్యాధి	6000
III. పూర్తి అంగవైకల్య వికలాంగుల పెన్షన్ Rs.15000/-
14	పక్షవాతం వచ్చిన వ్యక్తి, వీల్ చైర్ లేదా మంచానికి పరిమితం అయిన వారు	15000
15	తీవ్రమైన మస్కులర్ డిస్ట్రోఫీ కేసులు మరియు ప్రమాద బాధితులు	15000
16	ద్వైపాక్షిక ఎలిఫెంటియాసిస్-Grade 4	10000
17	కిడ్నీ, కాలేయం మరియు గుండె మార్పిడి	10000
18	CKDU Not on Dialysis CKD Serum creatinine of >5mg	10000
19	CKDU Not on Dialysis CKD Estimated GFR <15 ml	10000
20	CKDU Not on Dialysis CKD Small contracted kidney	10000
V. OTHER CATEGORIES
21	CKDU on Dialysis Private	10000
22	CKDU on dialysis GOVT	10000
23	సికిల్ సెల్ వ్యాధి	10000
24	తలసేమియా	10000
25	తీవ్రమైన హీమోఫిలియా (<2% of factor 8 or 9)	10000
26	సైనిక్ సంక్షేమ పెన్షన్	5000
27	అభయహస్తం	500
28	అమరావతి భూమి లేని నిరుపేదలు	5000

అర్హత ప్రమాణాలు

పెన్షన్	అర్హతలు
వృద్ధాప్య పెన్షన్	60 సంవత్సరాలు మరియు ఆపై వయస్సు కలవారు అర్హులు. గిరిజనులు 50 సంవత్సరాలు ఆపై వయస్సు కలవారు అర్హులు
వితంతు పెన్షన్	వివాహ చట్టం ప్రకారం 18 సంవత్సరాలు ఆ పై వయస్సు కలవారు. భర్త మరణ ధ్రువీకరణ పత్రం లేదా డెత్ సర్టిఫికెట్ కలిగి ఉండాలి
వికలాంగుల పెన్షన్	40% మరియు అంతకన్నా ఎక్కువ వికలత్వం కలిగి ఉన్నవారు మరియు సదరం సర్టిఫికెట్ కలిగి ఉన్న వారు. వీరికి వయోపరిమితి లేదు
చేనేత కార్మికుల పెన్షన్	వయస్సు 50 సంవత్సరాలు మరియు యు ఆ పైన కలవారు. చేనేత మరియు జౌళి శాఖ వారిచే గుర్తింపు పత్రం కలిగినవారు
కల్లు గీత కార్మికుల పింఛన్	వయస్సు 50 సంవత్సరాలు మరియు ఆపైన కలవారు. ఎక్సైజ్ శాఖ వారిచే గుర్తింపు పత్రం కలిగినవారు.
మత్స్యకారుల పెన్షన్	వయస్సు 50 సంవత్సరములు మరియు ఆ పైన కలవారు. మత్స్య శాఖ వారిచే గుర్తింపు పత్రం కలిగినవారు.
హెచ్ఐవి(PL HIV) బాధితులు పెన్షన్	వయో పరిమితి లేదు. ఆరు నెలలు వరుసగా ART treatment Therapy(యాంటీ రిట్రో వైరల్ థెరపీ) తీసుకున్నవారు.
డయాలసిస్ (CKDU) పెన్షన్	వయస్సుతో సంబంధం లేకుండా ప్రభుత్వ హాస్పిటల్స్ మరియు వైఎస్సార్ ఆరోగ్యశ్రీ పథకం ద్వారా ప్రైవేట్ హాస్పిటల్స్ లో డయాలసిస్ తీసుకుంటూ ఉన్నవారు. ( స్టేజ్ 3, 4 & 5) వయో పరిమితి లేదు.
ట్రాన్స్ జెండర్ పెన్షన్	18 సంవత్సరాలు ఆ పైన వయస్సు కలవారు. ప్రభుత్వ వైద్య ఆరోగ్య శాఖ వారి ధ్రువీకరణ పత్రం కలిగినవారు.
ఒంటరి మహిళ పెన్షన్	వయస్సు 35 సంవత్సరాలు మరియు ఆపైన కలిగి ఉండి, చట్ట ప్రకారం భర్త నుండి విడాకులు పొందినవారు, భర్త నుండి విడిపోయిన వారు (విడిపోయిన కాలవ్యవధి ఒక సంవత్సరం పైగా ఉండాలి.) గ్రామీణ మరియు పట్టణ ప్రాంతాలలో నివసిస్తున్న వారు, భర్త నుండి విడిపోయినట్లు గా ఎటువంటి ధ్రువీకరణ పత్రం లేనివారు గ్రామ / వార్డు స్థాయిలో ప్రభుత్వ అధికారుల సాక్షాలతో తాసిల్దారుగారి ధ్రువీకరణ పత్రం పొంది ఉండాలి. అవివాహితులుగా ఉండి ఎటువంటి ఆదరణ లేకుండా ఒంటరిగా జీవిస్తూ ఉన్న వారు, గ్రామాలలో ఉన్న వారికి వయస్సు 30 సంవత్సరములు మరియు పట్టణ ప్రాంతంలో ఉన్న వారికి వయస్సు 35 సంవత్సరాలు, ఆపైన కలిగి ఉండాలి. పెన్షన్ మంజూరు అనంతరం వారు వివాహం చేసుకుని ఉన్నా లేదా ఆర్ధిక పరముగా జీవనోపాధి పొందిన తక్షణమే పెన్షను నిలిపి వేసే బాధ్యత సంబంధిత పెన్షన్ పంపిణీ అధికారి వారికి అనుమతి ఉన్నది. (ప్రతి నెల పెన్షన్ పంపిణీ అధికారి ఆమె పరిస్థితి పరిశీలించాలి.)
డప్పు కళాకారుల పెన్షన్	వయస్సు 50 సంవత్సరంలు మరియు ఆ పైన కలవారు. సాంఘిక సంక్షేమ శాఖ వారిచే గుర్తింపు పొందిన వారై ఉండాలి.
చర్మకారుల పెన్షన్	వయసు 40 సంవత్సరాలు మరియు ఆ పైన కలవారు. లబ్ధిదారుల జాబితా సాంఘిక సంక్షేమ శాఖ అందజేస్తుంది.
అభయ హస్తం పెన్షన్	స్వయం సహాయక సంఘాల సభ్యులు ఎవరైతే అభయహస్తం పథకంలో వారి కాంట్రిబ్యూషన్ చెల్లించి ఉండి, 60 సంవత్సరాల వయస్సు కలవారు.

పెన్షన్ పంపిణీ సమయంలో ఉపయోగపడే మొబైల్ అప్లికేషన్ లు