రైతు భరోసా కేంద్రాలలో సహాయకులుగా చేరిన వాలంటీర్ లను ఇకపై "రైతు మిత్ర" గా పిలవాలని ముఖ్యమంత్రి ఆదేశించారు. ఈ మేరకు వ్యవసాయ శాఖ ప్రత్యేక కమిషనర్ ప్రకటన జారీ చేశారు
రైతు సహాయకులు (రైతు భరోసా వాలంటీర్లు) - రూట్ ఆఫీసర్ లు గా ఉన్న వాలంటీర్లకు మరియు టెక్నికల్ అసిస్టెంట్ వారికి సంబందించిన PRS Mobile Application విడుదల అవ్వటం జరిగింది.
𝐍𝐨𝐭𝐞 : User ID & Password Mobile Number కు మెసేజ్ రూపం లో రైతు సహాయకుల (RBK వాలంటీర్) కు వస్తుంది.
యాప్ డౌన్లోడ్ చేయుటకు ఇక్కడ క్లిక్ చేయండి Click here for PPS PADDY PROCUREMENT App V2.2New
RBK లో వాలంటీర్ల విధులకు సంబంధించి కొన్ని ప్రాంతాల్లో శిక్షణ కార్యక్రమాలు ప్రారంభం అయ్యాయి.
అభ్యర్థులకు ఈ క్రాప్ పంట నమోదు, ధాన్యం కొనుగోలు, ఎరువుల అమ్మకాలు, పొలంబడి తదితరు ఈ కార్యక్రమాలపై శిక్షణ ఇస్తున్నారు
మరోవైపు కేవలం ధాన్యం సేకరణకు మరి కొంతమంది వాలంటీర్లను కింది విధంగా కేటాయిస్తారు
ధాన్యం సేకరణ కొరకు RBK లో వాలంటీర్ల కేటాయింపు సంబంధించి A కేటగిరీ ఆర్పీబీకేకు నలుగురు, B కేటగిరీ ఆర్ బీకేలకు ముగ్గురు C కేటగిరి ఆర్బీకేకు ముగ్గురు వలంటీర్లను కేటాయింపు
వీరికి నెలకు ₹1500 వరకు అదనంగా ప్రోత్సాహకం ఇవ్వనున్నారు. ధాన్యం పరీక్ష మరియు వే బ్రిడ్జి మిల్ గేట్ వద్ద మూడు ఫోటోలు upload చేయాల్సి ఉంటుంది.
ఇందుకోసం సిబ్బందికి, టెక్నికల్ సహాయకులకు మరియు వాలంటీర్లు కు పూర్తి స్థాయి శిక్షణ ఇస్తున్నారు. తర్వాత వారిని ధాన్యం సేకరణ సహాయకులుగా నియమించనున్నారు.
గ్రామస్థాయిలో అన్నదాతలకు రాష్ట్ర ప్రభుత్వం మరింత నాణ్యమైన సేవలను అందించనుంది. ఇందుకోసం ప్రతీ ఆర్బీకేకు ప్రత్యేకంగా ఒక వలంటీర్‌ను నియమిస్తోంది. ఈ మేరకు ఉత్తర్వులు కూడా జారీచేసింది. గ్రామాల్లో చురుగ్గా పనిచేసే వలంటీర్లను ఎంపికచేసి వారికి ఆర్బీకే కార్యకలాపాలపై ప్రత్యేక శిక్షణనిచ్చి ఈ నెల 20 నుంచి అందుబాటులోకి తీసుకొచ్చేందుకు ఏర్పాట్లుచేస్తోంది. సాగు ఉత్పాదకాలను రైతుల ముంగిటకు తీసుకెళ్లాలన్న సంకల్పంతో రాష్ట్ర ప్రభుత్వం 10,778 ఆర్బీకేలను ఏర్పాటుచేసిన విషయం తెలిసిందే. విత్తనం నుంచి విక్రయం వరకు రైతులకు అవసరమైన అన్ని రకాల సేవలను వీటి ద్వారా గ్రామస్థాయిలోనే అందిస్తోంది.
సాధారణంగా ప్రతిరోజు ఉ.7 నుంచి 9 గంటల వరకు, తిరిగి సా.3 నుంచి 6 గంటల వరకు సిబ్బంది అందుబాటులో ఉంటున్నారు. మిగిలిన సమయాల్లో పంటల నమోదు (ఈ–క్రాప్)తో పాటు రైతులకు అందించే వివిధ రకాల సేవల కోసం క్షేత్రస్థాయి పరిశీలనకు వెళ్తుంటారు. దీంతో ఆయా సమయాల్లో సిబ్బంది అందుబాటులో లేక ఆర్బీకేలకు వచ్చే రైతులు ఇబ్బంది పడాల్సి వస్తోంది.
ఈ పరిస్థితిని గుర్తించిన ప్రభుత్వం ఉదయం నుంచి సాయంత్రం వరకు ఆర్బీకేలు తెరిచి ఉంచడమే కాదు.. రైతులు ఎప్పుడు ఏ అవసరం కోసం వచ్చినా ఎవరో ఒకరు అందుబాటులో ఉండాలన్న ఆలోచనతో ప్రతీ ఆర్బీకేకు ఓ వలంటీర్‌ను అనుసంధానం చేయాలని నిర్ణయించింది. గత నెలలో జరిగిన సమీక్షా సమావేశంలో సీఎం వైఎస్‌ జగన్‌మోహన్‌రెడ్డి ఈ మేరకు ఆదేశాలు జారీచేశారు. దీంతో ఆర్బీకేకి ఒకరు చొప్పున వలంటీర్లను అనుసంధానం చేస్తూ గ్రామ, వార్డు సచివాలయాల విభాగం డైరెక్టర్‌ సగిలి షాన్‌మోహన్‌ ఉత్తర్వులు జారీచేశారు. వ్యవసాయ శాఖ అభ్యర్థన మేరకు గ్రామాల్లో చురుగ్గా పనిచేస్తూ సేవాతత్పరత కలిగిన వలంటీర్‌ను ఎంపిక చేయాలన్నారు.
ఎంపికైన వలంటీర్లకు మండల వ్యవసాయ శాఖాధికారులు, జిల్లా రిసోర్స్‌ సెంటర్‌ సిబ్బంది ద్వారా ఆర్బీకే కార్యకలాపాలపై శిక్షణ ఇస్తారు. సిబ్బంది క్షేత్రస్థాయి పరిశీలనకు వెళ్లినప్పుడు ఆర్బీకేలకు వచ్చే రైతులతో మర్యాదగా నడుచుకోవడం, వారికి అవసరమైన ఇన్‌పుట్స్‌ను కియోస్క్‌ ద్వారా బుక్‌ చేయించడం, గోడౌన్ల నుంచి వచ్చే ఇన్‌పుట్స్‌ను తీసుకుని స్టాక్‌ రిజిస్టర్‌లో నమోదు చేయడం, సాగు సలహాలకు సంబంధించిన వీడియోలను రైతులకు స్మార్ట్‌ టీవీల్లో ప్రదర్శించడం, ఇతర సేవలపై తర్ఫీదు ఇస్తారు.
అన్నదాతలు ఎప్పుడు ఏ అవసరం కోసం వచ్చినా ఆర్బీకేలు తెరిచే ఉండాలి. సిబ్బంది లేని పక్షంలో ఎవరో ఒకరు అందుబాటులో ఉండాలనే లక్ష్యంతో సీఎం వైఎస్‌ జగన్‌ ఆదేశాల మేరకు ప్రతి ఆర్బీకేకు ఒక గ్రామ వలంటీర్‌ను అనుసంధానం చేస్తున్నాం. వారికి ఆర్బీకే కార్యకలాపాలపై ప్రత్యేక శిక్షణను ఇవ్వనున్నాం. ఈ నెల 20 నుంచి వారి సేవలను అందుబాటులోకి తీసుకొచ్చేందుకు ఏర్పాట్లు చేస్తున్నాం.
రైతు భరోసా కేంద్రాలలో సహాయం చేయుటకు ఒక వాలంటీర్ ని నియమించే ప్రక్రియలో వారికి కనీసం ఇంటర్మీడియట్ లేదా జీవశాస్త్రం [ బయాలజీ ] ఒక సబ్జెక్టుగా కలిగిన విద్యార్హత ఉండాలి.
సంబంధిత ఎంపీడీవో వారు పంచాయతీ కార్యదర్శి , మండల వ్యవసాయ అధికారి మరియు గ్రామ వ్యవసాయ అసిస్టెంట్ సూచనల మేరకు వాలంటీర్ను ఎన్నుకుంటారు.
