✤ దేశవ్యాప్తంగా ప్రధాన మంత్రి స్వనిది పథకం ద్వారా మొదటి సంవత్సరం పదివేల రూపాయల రుణాన్ని తీసుకొని సకాలంలో తిరిగి చెల్లించిన వీధి వ్యాపారులకు రెండో ఏడాది 20000 మూడో ఏడాది 50 వేల వరకు రుణాన్ని అందించనున్న కేంద్రం.
కేంద్ర ప్రభుత్వం ఎన్నో రకాల పథకాలు అందిస్తోంది. వీటిల్లో చిరు వ్యాపారులకు కూడా ఒక స్కీమ్ అందుబాటులో ఉంచింది. పట్టణ మరియు గృహ నిర్మాణ వ్యవహారాల మంత్రిత్వ శాఖ ఈ పథకాన్ని పర్యవేక్షిస్తుంది. వీధి వ్యాపారులకు ఆర్థిక చేయూత అందించాలనే లక్ష్యంతో పీఎం స్ట్రీట్ వెండర్స్ ఆత్మనిర్భర్ నిధి (పీఎం sVANidhi) పథకాన్ని ప్రవేశపెట్టింది. ఎలాంటి తనఖా లేకుండా ఈ స్కీమ్ కింద అర్హత కలిగిన వారు లోన్ కోసం అప్లై చేసుకోవచ్చు. తొలిగా రూ.10 వేల రుణం తీసుకోవచ్చు. ఏడాదిలో ఈ డబ్బులు చెల్లించాల్సి ఉంటుంది.
పీఎం స్వనిధి స్కీమ్ కింద లోన్ పొందాలని భావించే వారు నేరుగా పీఎం స్వనిధి వెబ్‌సైట్‌కు వెళ్లాలి. అక్కడ రుణం కోసం నేరుగా అప్లై చేసుకోవచ్చు. పూర్తి ప్రాసెస్ కింద చెక్ చేయండి.
✤ పీఎం స్వనిధి స్కీమ్ కింద లోన్ పొందాలని భావించే వారు ముందుగా కింద ఇవ్వబడిన పీఎం స్వనిధి వెబ్‌సైట్‌కు వెళ్లాలి.
మీరు లోన్ కోసం అప్లై చేసుకోవాలని భావిస్తే.. రుణ అర్హత కలిగి ఉండాలి. వీధి వ్యాపారులు అందరూ లోన్ కోసం అప్లై చేసుకోవచ్చు. కరోనా వైరస్ కారణంగా వీధి వ్యాపారులపై తీవ్ర ప్రతికూల ప్రభావం పడిందని చెప్పుకోవచ్చు. దీంతో వారిని ఆదుకోవడానికి ఈ స్కీమ్‌ను తీసుకువచ్చారు. పీఎం స్వనిధి పథకం కింద రూ.10 వేల రుణం పొందొచ్చు. స్ట్రీట్ ఫుడ్, గుడ్లు విక్రయించేవారు, ఫ్రూట్స్ సెల్లర్లు, కూరగాయలు అమ్మేవారు, బార్బర్ షాప్ వంటి తదితర వీధి వ్యాపారులు ఈ తరహా రుణాల కోసం అప్లై చేసుకోవచ్చు.
పీఎం స్వనిధి స్కీమ్ కింద లోన్ పొందాలని భావించే వారు కొన్ని డాక్యుమెంట్లు కచ్చితంగా కలిగి ఉండాలి. అవేంటో ఒకసారి తెలుసుకుందాం.
✤ ఆధార్ కార్డు
✤ వెండింగ్ సర్టిఫికెట్ లేదంటే అర్బన్ లోకల్ బాడీస్ జారీ చేసిన ఐడెంటిటీ కార్డు
✤ ఆధార్ కార్డుతో లింక్ అయిన మొబైల్ నెంబర్ కచ్చితంగా ఉండాలి
✤ ఒకవేళ ఐడీ కార్డు లేకపోతే టౌన్ వెండింగ్ కమిటీ లేదంటే అర్బన్ లోకల్ బాడీస్ నుంచి రెకమెండేషన్ లెటర్ తీసుకున్న సరిపోతుంది.
పీఎం స్వనిధి స్కీమ్ కింద లోన్ తీసుకున్న వారు కరెక్ట్ టైమ్‌కి లోన్ మొత్తాన్ని తిరిగి చెల్లిస్తే.. అప్పుడు వారికి అదనపు ప్రయోజనాలు లభిస్తాయి. వడ్డీ రేటులో 7 శాతం సబ్సిడీ పొందొచ్చు. డిజిటల్ ట్రాన్సాక్షన్ల ద్వారా చెల్లింపులు చేస్తే ఏడాదిలో రూ.1200 వరకు క్యాష్‌బ్యాక్ వస్తుంది. ఇంకా మళ్లీ రుణం పొందొచ్చు. రూ.20 వేల వరకు రుణం లభిస్తుంది. వడ్డీ రాయితీ, క్యాష్‌బ్యాక్ రెండు కలిపి చూస్తే రూ.10 వేల రుణంపై రూ.1602 వరకు ప్రయోజనం పొందొచ్చు.
ప్రధానమంత్రి స్వనిధి మహోత్సవాలు. వీధి వ్యాపారులకు ఆర్థిక సహాయాన్ని అందించే ప్రధానమంత్రి స్వనిధి పథకం (జగనన్న తోడు) మహోత్సవాలను దేశవ్యాప్తంగా కేంద్ర ప్రభుత్వం ప్రారంభించింది. ఇందులో భాగంగా ఆంధ్రప్రదేశ్ లో పలు జిల్లాల్లో కూడా ఈ కార్యక్రమాలను ప్రభుత్వం నిర్వహించడం జరిగింది.
