Sadarem certificate Application process - Sadarem Slot Booking , Status , Required Documents

Sadarem certificate Information - Sadarem Slot Booking , Status , Required Documents

దివ్యాంగులకు సదరం సర్టిఫికేట్ అప్లికేషన్ వివరాలు, అర్హత, ప్రాసెస్

SADAREM Application process

𝐒𝐀𝐃𝐀𝐑𝐄𝐌 𝐔𝐏𝐃𝐀𝐓𝐄: దివ్యాంగులకు ఏపీ ప్రభుత్వం శుభవార్త ..ఏప్రిల్ 1 నుంచి సదరమ్‌ స్లాట్లు పునః ప్రారంభం


➥ అర్హులైన వారికి సర్టిఫికెట్లు జారీ
➥ ఎంపిక చేసిన ఏరియా, జిల్లా, టీచింగ్‌ ఆస్పత్రులు..
➥ జీజీహెచ్‌లలో ప్రతి మంగళవారం అందుబాటులో స్లాట్‌లు

Latest update ✦ దివ్యాంగులకు ఏపీ ప్రభుత్వం శుభవార్త ...ఏప్రిల్ 1 నుంచి సదరమ్‌ స్లాట్లు పునః ప్రారంభం.అర్హులైన వారికి సర్టిఫికెట్లు జారీ . ఎంపిక చేసిన ఏరియా, జిల్లా, టీచింగ్‌ ఆస్పత్రులు.. జీజీహెచ్‌లలో ప్రతి మంగళవారం అందుబాటులో స్లాట్‌లు New

HELPLINE NUMBER
States Covered : Andhra Pradesh
Any grievance number : 1902
Agriculture & Allied Services1907

■ దివ్యాంగులకు అందించనున్న ఉచిత వాహనాల వివరాలు.

సమాజంలో దివ్యాంగులకు మిగతా వారితో సమానావకాశాలు కల్పించడంలో భాగంగా వారికి ప్రత్యేక వాహనాలను ఉచితంగా సమకూర్చాలని రాష్ట్ర ప్రభుత్వం నిర్ణయించింది. వారి విద్య, ఉపాధికి దోహదపడేలా రూపొందించిన ఈ వాహనాల కోసం అర్హులు దరఖాస్తు చేసుకోవాలని మహిళ, శిశు సంక్షేమ శాఖ ముఖ్య కార్యదర్శి ఏఆర్‌ అనురాధ ఉత్తర్వులు జారీ చేశారు.

ఇవీ అర్హతలు

► వార్షికాదాయం మూడు లక్షల్లోపు కలిగి, 18 – 45 మధ్య వయసు ఉండాలి. 70 శాతం, ఆ పైగా వైకల్యం ఉండాలి. గ్రాడ్యుయేషన్, ఆ పై చదువులు చదివే విద్యార్థులు, వ్యవసాయ అనుబంధ కార్యకలాపాలతో సహా స్వయం ఉపాధి లేదా పదో తరగతి ఉత్తీర్ణతతో కనీసం ఏడాది నుంచి పని చేస్తున్న దివ్యాంగులకు వీటి ని ఇస్తారు. డ్రైవింగ్‌ లైసెన్స్‌ కలిగి ఉండాలి. లేదా ప్రత్యేక వాహనం పొందడానికి ఎంపికైన దివ్యాంగులు రెండు నెలల్లోగా డ్రైవింగ్‌ లైసెన్స్‌ పొందాలి.
► జిల్లా యూనిట్‌గా అర్హులైన వికలాంగులను జాయింట్‌ కలెక్టర్‌ అధ్యక్షతన గల కమిటీ ఎంపిక చేస్తుంది. ఇందులో ఎస్సీ, ఎస్టీ రిజర్వేషన్లతో పాటు 50 శాతం మహిళలకు రిజర్వేషన్‌ కల్పిస్తారు. తొలుత వికలాంగులైన మహిళలకు ప్రాధాన్యం ఇస్తారు. తర్వాత పురుషులను ఎంపిక చేస్తారు. అర్హులైన దివ్యాంగులు ఏ జిల్లా నుంచి అయినా దరఖాస్తు చేసుకోవచ్చు.

◼️ Sadarem Certificate అంటే ఏమిటి?

దివ్యాంగుల సంక్షేమం మరియు సంక్షేమ పథకాల ద్వారా లబ్ధి కోసం దివ్యాంగులకు సదరం సర్టిఫికెట్ అనేది జారీ చేస్తారు. తద్వారా దివ్యాంగులకు ఈ సర్టిఫికెట్ ఆధారంగా అనేక సంక్షేమ పథకాలకు వెసులుబాటు కలుగుతుంది.


◼️సదరం సర్టిఫికెట్ అర్హత

భిన్నమైన సామర్థ్యం ఉన్న వ్యక్తి ఆసుపత్రిలో చెక్-అప్ పొందిన తరువాత, ఇది వైకల్యం శాతాన్ని నిర్ధారిస్తుంది. "40% లేదా అంతకంటే ఎక్కువ వైకల్యం ఉన్న ఎవరైనా అన్ని ప్రభుత్వ పథకాలకు అర్హులు". పరీక్ష తరువాత, యాక్సెస్, పునరావాసం మరియు సాధికారత (SADAREM) కోసం సాఫ్ట్‌వేర్ ఫర్ అసెస్‌మెంట్ ఆఫ్ డిసేబుల్డ్ అనే సాఫ్ట్‌వేర్ ద్వారా సర్టిఫికేట్ ఉత్పత్తి అవుతుంది. ఈ సర్టిఫికేట్ ఉన్న వ్యక్తులు పెన్షన్లతో సహా అన్ని ప్రభుత్వ పథకాలకు అర్హులు. ఈ సాఫ్ట్‌వేర్ 2009 లో వాడుకలోకి వచ్చింది, మరియు ధృవపత్రాల నకిలీ లేదని ఇది నిర్ధారిస్తుంది.

◼️సదరం సర్టిఫికెట్ కి ఎలా దరఖాస్తు చేసుకోవాలి

ప్రతి నెలా సచివాలయంలో స్లాట్ బుక్ చేసుకోవాల్సి ఉంటుంది. Slot బుక్ చేసుకున్న తేదీలలో పరీక్ష నిమిత్తం మీరు ఆసుపత్రికి వెళ్లాల్సి ఉంటుంది. వారు మిమ్మల్ని పరీక్షించి తరువాత సర్టిఫికెట్ సచివాలయం పోర్టల్ కి పంపిస్తారు. ఒక నెల తర్వాత మీరు మరల సచివాలయం వెళ్లి మీ సర్టిఫికెట్ ప్రింట్ తీసుకోవచ్చు.

సదరం ID తొలగించే విధానం

1. ఓల్డ్ సర్టిఫికెట్స్ ( 2017 ఆగస్టు కి ముందువి మ్యాన్యువల్ సర్టిఫికెట్స్) ఈ సర్టిఫికెట్స్ డిలీషన్ కి డైరెక్టుగా సదరన్ క్యాంపు జరిగే హాస్పిటల్ నుండి గ్రీవెన్స్ పెట్టుకోవచ్చును. గ్రీవెన్స్ ఆప్షన్ సదరం సైట్ లో ఉంటుంది. సదరం డిపార్ట్మెంట్ ఐడి స్టేటస్ చెక్ చేసి ఓల్డ్ సర్టిఫికెట్ అయితే కనుక అప్రూవల్ ఇచ్చి డిలీట్ చేస్తుంది. కొత్తగా స్లాట్ బుక్ చేసుకునే అవకాశం ఏర్పడుతుంది.

2. టెంపరరీ సర్టిఫికెట్స్ డాక్టర్ గారు దివ్యాంగుడిని తనిఖీ చేసిన తరువాత భవిష్యత్తులో అతనికి తగ్గుతుంది అని అనిపిస్తే టెంపరరీ సర్టిఫికెట్స్ ఇవ్వబడును. ఆ సర్టిఫికెట్స్ కాలపరిమితి ఒక సంవత్సరం నుండి ఐదు సంవత్సరాల వరకు ఇవ్వబడును. సర్టిఫికెట్ తేది గడువు పూర్తి అయిన తర్వాత హాస్పిటల్ నుండి గ్రీవెన్స్ పెట్టవచ్చును. సదరం డిపార్ట్మెంట్ ఐడీ స్టేటస్ చెక్ చేసి తేది గడువు పూర్తి అయితే కనుక వెంటనే అప్రూవల్ వస్తుంది, వారు తిరిగి మరల స్లాట్ బుక్ చేసుకునే అవకాశం ఏర్పడుతుంది.

3. డైరెక్ట్ రిజెక్ట్ కేస్, అస్సెస్డ్ అండ్ రిజెక్ట్ కేస్ : డాక్టర్ గారు దివ్యాంగుడిని తనిఖీ చేసిన తర్వాత తనకి ఉన్న వైకల్య శాతం ని నమోదు చేస్తారు. దాన్ని బట్టి ఆ సర్టిఫికెట్ పర్మినెంట్ లేక అసెస్మెంట్ తిరిగి రిజెక్ట్ అయిన కేసా అనేది తెలుస్తుంది. 40% శాతం కంటే ఎక్కువ పర్సంటేజ్ ఉంటే అవి పర్మినెంట్ సర్టిఫికెట్ పెన్షన్ కి ఎలిజిబుల్ అవుతుంది.వైకల్య శాతం 40% కంటే తక్కువ ఉంటే గనుక అట్టి సర్టిఫికెట్ రిజెక్ట్ అయిన కేస్ అని అర్థం చేసుకోవాలి. ఈ వైకల్య శాతం అనేది ప్రభుత్వ నిబంధనల ప్రకారమే ఇస్తున్నారన్నది గుర్తించుకోవాలి. అలాగే వైకల్య శాతం అనేది 40% శాతం కంటే ఎక్కువ ఉండి ఆ సదరన్ ఐడి టెంపరరీ సర్టిఫికెట్ అయితే కనుక వారు పెన్షన్ కి ఎలిజిబుల్ కారు.

4. అసెస్మెంట్ జరిగి రిజెక్ట్ అయిన కేసులు ( 40% కంటే తక్కువ పర్సంటేజీ వచ్చినవాళ్లు ), టెంపరరీ సర్టిఫికెట్స్ వాళ్లు మరలా తనిఖీకి అవకాశం పొందాలంటే వారు ప్రతి సోమవారం జిల్లా కలెక్టర్ వారి కార్యాలయంలో స్పందన కార్యక్రమాలు జరుగును. అక్కడ వాళ్లు అర్జీ ఇస్తే అక్కడ ఉన్న అధికారులు జిల్లాలోని ఏదో ఒక హాస్పిటల్ కి రిఫర్ చేస్తారు. అర్జీ ఇచ్చిన దివ్యాంగుడు ఆ హాస్పిటల్ కి వెళ్లి సంబంధిత డాక్టర్ గారి దగ్గర ఒపి మీద తిరిగి తనిఖీ కి వెళ్ళాలి. డాక్టర్ గారు వారిని తనిఖీ చేసి వాళ్లు గనక ఎలిజిబుల్ అయితే గనుక ఆ ఒపి మీద ఇట్ ఈజ్ ఫిట్ రీ అసెస్మెంట్ లేదా ఇట్ ఈజ్ ఎలిజిబుల్ ఫర్ రీ అసెస్మెంట్ అని రాయాలి, లేదా వారు ఎలిజిబుల్ కారు మరలా తనిఖీ చేసిన డాక్టర్ గారికి అనిపిస్తే వెంటనే వారికి మీరు అర్హులు కారు సదరం రూల్స్ ప్రకారం అని చెప్పి వెనక్కి పంపవచ్చును. ఎలిజిబుల్ అని డాక్టర్ గారు ఒపి మీద రాస్తే గనుక అట్టి డాక్టర్ గారు వైద్య విధాన పరిషత్ కమిషనర్ గారికి ఒక లెటర్ రాయాలి. సదరు దివ్యాంగుడికి రీ అసెస్మెంట్ కి అవకాశం ఇవ్వమని… పైన చెప్పిన అన్ని డాక్యుమెంట్స్ ఉంటే కనుక అట్టి సదరం ఐడి కి రీ అసెస్మెంట్ కి అవకాశం ఇవ్వటం జరుగుతుంది.

ఏ సర్టిఫికెట్ కైనా రీ అసెస్మెంట్ ఇవ్వాలి అంటే సదరం మెయిల్ కి పంపాల్సిన డాక్యుమెంట్స్ :

1 స్పందన అర్జీ
2 డాక్టర్ OP
3 డాక్టర్ గారు కమిషనర్ గారికి రాసిన లెటర్


5. ఏ ఐడి అయినా గ్రీవెన్స్ సదరం సైట్లో రెండుసార్లు మాత్రమే పెట్టగలరు. రెండుసార్లు గ్రీవెన్స్ డిపార్ట్మెంట్ రిజెక్ట్ చేస్తే గనుక ఆ ఐడి ని మూడవసారి గ్రీవెన్స్ పెట్టడం కుదరదు.మూడోసారి గ్రీవెన్స్ పెట్టడానికి ప్రయత్నించినా ఎర్రర్ 500 అనే మెసేజ్ చూపిస్తుంది.

Note: దివ్యంగులకు సంబంధించినటువంటి సమగ్రమైన సమాచారం మీరు ఈ పేజ్ ద్వారా తెలుసుకోవచ్చు!